In collaborazione con le associazioni sportive: SC Ladinia, Dolomiti Biking, Tennis Club Alta Badia, U.S. Alta Badia, Volley Club replichiamo il campo multisport per i bambini delle scuole elementari e 1. media.
Programma: dal lunedì 24 agosto al venerdì 28 agosto tutti i giorni la mattina dalle ore 9:30 alle ore 12:30 presso il campo sportivo di La Villa e piscina/palestra di La Villa. (il programma definitivo verrà consegnato prima dell'inizio del campo).
Descrizione: Le associazioni indicate proporranno sessioni di atletica, nuoto, bici, tennis, calcio, palestra, beach volley e sport di squadra e di azione.
Numero minimo di partecipanti per effettuare il campo: 20 bambini
Costi ed iscrizioni: Euro 55 da versare entro il 19 agosto su uno dei seguenti conti
Cassa Raiffeisen Val Badia IBAN: IT41R0801058340000300012106
Cassa di Risparmio IBAN: IT30U0604558340000000049700
Banca PopolareIBAN: IT19Q0585658180019571049505
Informazioni ed iscrizioni:
Stefan 335-7875460; presidente@sciclubladinia.it
Sepl 339 8159419
Salté adüm
Vigni mercui, can che l tamp daida, jun a saltè. Pur che ch ó gni para, piun ia dales 18.30 dala plaza dl Badiapub.
Al vagn saltè + o – en ora, do l ega ite y ince sö te campo de atletica. Programma vario cun cambi de ritmo, tecnica y velocité.
Düc è bel invià da gni para.
Amsterdam Marathon - iscrizione
Maratona Amsterdam 18 ottobre 2015
Quest’autunno un gruppo di Badiasport parteciperà alla 40° Maratona di Amsterdam
Programma provvisorio (dettagli e orari ancora da definire)
Viaggio a Amsterdam: venerdì 16 ottobre
Gara: domenica 18 ottobre
Ritorno: lunedì 19 ottobre
Percorsi
Maratona 42,195km
Mezza Maratona 21,0975km
Gara 8km
Kids Run
Le iscrizioni verranno fatte entro il 10/06/2015. La quota di iscrizione per la maratona è di 70 Euro.
Per info posta@badiasport.org
Se sei interessato a partecipare manda una email!!!
Wenn du laufen willst, lauf eine Meile. Wenn du eine andere Welt kennenlernen willst, lauf einen Marathon.“ (Emil Zatopek – Olympiasieger Marathon Helsinki 1952)
Innsbrucker Stadtlauf 17.05.2015
Na bela domënia de sport por i atlec badioc
14 partezipanc jogn de Badiasport al „Innsbrucker Stadtlauf“
En domënia ai 17 de ma él sté la 31ejima ediziun dl „Innsbrucker Stadtlauf“. Al start tla Maria-Theresien-Straße s’ál presenté na bela gran scuadra de 14 atlec badioc. A d’ëi ti aspetâl 1400 m da salté fora por le zënter storich. Ai ê partis sö te deplü categories: la categoria di U-10, chëra di U-12, chëra di U-14, chëra di U-16, y la categoria di U-18.
Adang Emilie y Irsara Hanna á arjunt n bun plazamënt tla pröma categoria di U-10/mitans cun n tëmp de 7:49 y de 7:50, rovan al 33ejimo y al 34ejimo post te categoria. La plü asvelta de chësta categoria é stada Miriam Langhofer cun n tëmp de 5:22.
Tla categoria U-12/mituns á l’atlet Tasser Samuel stlüt jö la gara cun n tëmp de 7:48 (62. post te süa categoria).
Tla categoria di U-14/mitans á Castlunger Anna stlüt jö al 22. post te süa categoria cun n tëmp de 6:06. Tla medema categoria U-14 /mituns á Pizzinini David arjunt le travert cun n bun tëmp de 5:32 (21. post de categoria U-14/mituns).
Tla categoria U-16/jogn á l’atlet de Badiasport Ploner Nicolas arjunt le buniscimo 3. post de categoria cun n tëmp de 5:09. Le miú de categoria é sté Bora Adam cun le tëmp de 5:03. Tla medema categoria á ince i atri atlec badioc arjunt de bugn plazamënc. Irsara Vitor á stlüt jö cun le tëmp de 5:19 (8. post de categoria), Crazzolara Damiano á arjunt le travert cun n tëmp de 5:21 (10. post de categoria), y atira dedô él rové adalerch Canins Ivan cun le tëmp de 5:22 (11. Post de categoria). Debon Robert á stlüt jö al 23. post de categoria cun n tëmp de 5:51. Le proscimo jogn de Badiasport a rové al travert é spo sté Ganibegovic Rocco cun le tëmp de 6:45 (31. post de categoria).
Tla categoria di jogn U-18 él gnü arjunt le podest da Castlunger Matthias che á stlüt jö cun n buniscimo 2. post de categoria cun le tëmp de 4:52. Le plü asvelt de chësta categoria é sté Naschberger Julian cun le tëmp de 4:45.
Ciamó n podest á arjunt le grup de Badiasport cun l’atleta Ploner Melanie che é rovada 2. tla categoria U-18/jones cun le tëmp de 5:24. N bun plazamënt á ince arjunt Clara Valentina rovan al travert cun n tëmp de 6:05 (6. post de categoria). La plü asvelta te chësta categoria é stada Zenz Julia cun le tëmp de 5:16.
Gara di corsa Innsbruck
Il giorno domenica, 17 maggio parteciperemo alla gara di corsa “Innsbrucker Stadtlauf” nel centro di Innsbruck.
Programma:
Ritrovo Comune di Badia: ore 10.30
Inizio gara: ore 14.00
Gare:
anno 2008 e più giovani: corsa con genitori (500m)
U10-U12-U14-U16-U18: 1.400m
Ritorno: partenza da Innsbruck ca. alle 17.00
Dopo la gara ci fermeremo al Mc Donald’s per mangiare!
Ci sarà un bus che ci porterà a Innsbruck. Anche i genitori possono venire con il bus (fino esaurimento posti) per fare il tifo. (5,00€ per spese viaggio genitori)
da portare: scarpe da ginnastica, pantaloncini, maglietta, soldi per il Mc Donald’s
Gares daimprò y dalunc por Badiasport 23.03.2015
Memorial Othmar Costabiei y Luca Valentin 14.03.2015
En sabeda ai 14 de merz da sëra él stè la gara en memoria de Othmar Costabiei y Luca Valentin. Pro la gara de schi é Irsara Michael stè le plü asvelt de düć te 0:16:03, dan da Kostner Martin (0:16:21) y Pitscheider Paolo (0:18:47). Pro les ëres é Comploi Flurina stada la plü asvelta te 0:21:11, dan da Lezuo Susi 0:23:24 y Steinmayr Iris te 0:23:44. Tröc d'atri é stà i atleć de Badiasport danter i 127 partezipanć ala gara de schi che à tut pert por recordè Othmar y Luca.
Martin Kostner, Michael Irsara, Paolo Pitscheider
4. Trofê Kreuzspitze: Memorial Walter Nones 15.03.2015
En domënia i 15 de merz él stè la 4. ediziun dl trofê Kreuzspitze tla Val Cadino/Val di Fiemme. Danter i 74 partezipanć êl inće 5 atleć de Badiasport: Craffonara Lois, Irsara Andreas, Trebo Mike, Dagai Alex y Irsara Michael che à tut pert. Le percurs ê de 25 km cun 1865 m de deslivel. I plü asvelć de düć é stà Reichegger Manfred y Holzknecht Lorenzo cun 1:56:13 y Trettel Thomas cun 1:59:15.
Craffonara Lois é stè le plü asvelt de Badiasport y danter i plü asvelć en general, rovan danter i pröms 12 te 2:09:09. Irsara Andreas é rové al 17ejimo post tla tlassifica generala te 2:16:15, Trebo Mike al 29ejimo te 2:25:52, Dagai Alex al 33ejimo te 2:28:30 y Irsara Michael al 34ejimo te 2:28:34.
Podest por Melanie Ploner y n buniscimo resultat por David Frena ala Pierra Menta 2015
Danter i 11 y i 14 de merz él stè la 30ejima ediziun dla Pierra Menta, gara de schialpinism tla Savoia. Ara se trata de öna dles 3 gares de schialpinism tles Alpes plü granes y conesciüdes. Al é na gara a dui, te 4 tapes, a chëra che i majeri atleć da döta Europa tol pert. Por i jogn él ma döes proes, a chëres che inće i badioć David Frena y Melanie Ploner à tut pert.
Melanie Ploner s'à concuisté deboriada cun Felicetti Giorgia le secundo post sön 8 scuadres tl tëmp de 3:55:33, do dales franzejes Meyenet/Pollet-Villard (3:45:20) y dan da Drion/Buchs (3:57:22).
David Frena à arjunt n buniscimo 10. post sön 40 scuadres deboriada cun Loss Enrico tl tëmp de 3:44:19. I pröms te süa categoria é stà i frazesc Equi/Juillaguet te 3:23:18 y i svizeri Steiner/Bonnet te 3:26:31 y Gasser/Corthay te 3:27:29.
3. Skialp Dimon 08.03.2015
Irsara Michael é stè en domënia ai 8 de merz a Udine, tla Val d’Incjaroi, ala Skialp Dimon. Al é rové 11. te 2:06:19, sön n percurs de 15 km y 850 m de deslivel che condejô söla munt de Zermula. Pröm é stè Niederwieser Christof te 1:39:53.
25. Lagorai Cima d’Asta 08.03.2015
Ivan Canins, Mike Trebo, Nicolas Ploner, Luigi Irsara
En domënia ai 8 de merz él stè tla provinzia de Trënt, la gara spetacolara dla Lagorai Cima d’Asta, gara de Coppa Italia, olache 6 atleć de Badiasport à tut pert amesa i indöt 400 partezipanć dala Talia y da foradecà.
Pro i cadetti é Ploner Nicolas rové 24. te 1:33:07, Irsara Luigi 25. te 1:33:56 y Canins Ivan 28. te 1:52:06. Le plü asvelt é stè Prandi Andrea te 1:04:41.
Pro les cadette é Ploner Melanie rovada al secundo post te 1:23:39, do da Murada Giulia cun le tëmp de1:20:20.
Pro i junior é Frena David rové 3. te 1:15:20 y Trebo Mike 14. te 1:19:58. Le plü asvelt é stè Magnini Davide te 1:07:05.
Pro i gragn é Adang Jan Paul rové 20. te 2:20:10 y Irsara René 67. te 2:48:38. Le plü asvelt é stè Holzknecht Lorenzo te 1:51:56, dan da Reichegger Manfred te 1:53:08 y Kuhar Nejc te 1:56:45.
Heidi Dapunt davagna la Raida Ladina 06.03.2015
Raida Ladina: Lors de Reba
En jöbia sëra, ai 6 de merz él stè la finala dla Raida Ladina a Reba , pro la 12ejima ediziun dla Lors de Reba. Pro i 200 partezipanć êl bëgn 16 atleć de Badiasport. Al ê 2 tlassifiches: chëra che valô por la Raida Ladina y chëra dla gara singola.
Lois Craffonara é stè le plü asvelt di badioć cun le tëmp de 0:28:35, secundo do da Oberbacher Alex che à fat le miù tëmp de düć te 0:28:02. Tla tlassifica che valô por la Raida é Adang Jan Paul rové 6. te 0:29:39, Trebo Mike 8. te 0:30:49, Irsara Michael 9. te 0:31:05, Feichter Richard 14. te 0:32:23, Pescoll Andreas 21. te 0:34:20, Dapunt Heidi 1. dles ëres y 25ejima tla tlassifica assoluta te 0:35:49, Piccolruaz Giuseppe 38. te 0:38:53 y Lezuo Susi 64. 0:47:50 y 9. dles ëres, sön indöt 74.
Tla tlassifica che ne valô nia por la Raida é Beccari Filippo stè le plü asvelt te 0:28:06, Irsara Andreas 5. te 0:30:29, Pitscheider Roland 14. te 0:33:25, Ploner Nicolas 43. te 0:38:14, Tavella David 44. te 0:38:27, Irsara Luigi 49. te 0:39:08, Canins Benno 53. te 0:40:10, Canins Ivan 59. te 0:41:09, sön 113.
Classifica Lors de Reba Raida Ladina
Classifica Lors de Reba NO Raida Ladina
Classifica Generale RAIDA LADINA
N bun fin dl’edema de gares por Badiasport 01.03.2015
Mike Trebo, Melanie Ploner y Moling-Craffonara sön podest
Giorgia Felicetti, Melanie Ploner, Vivien Senn
Marmotta Trophy – Tla Val de Martell êl danter sabeda y domënia gares por le circuito dl Scarpa ISMF World Cup, olache i mius da döta Europa y da foradecà se mosorâ te döes gares. En sabeda ai 28 él stè le sprint y la domënia la gara lungia olache inće i 3 atleć de Badiasport à tut pert.
Le percurs di senior ê de 15 km cun 1677 m de deslivel. Alex Dagai che ê tla categoria senior open à stlüt jö sciöche 32. te 2:28:07, sön indöt 50 partezipanć. Pröms é stà Beccari Filippo te 1:58:38, De Simone Roberto te 1:59:25 y Zulian Ivo 2:01:06.
Tla categoria senior ISMF é le franzesc Bon Mardion William stè le plü asvelt te 1:44:09, dan dal spagnol Jornet Borgada Kilian te 1:45:28 y le franzesc Gachet Xavier te 1:45:58.
Tla categoria junior, cun n percurs de 10,5 km y 1280 m de deslivel s’à Mike Trebo concuisté le terzo scalin dl podest te 1:55:21, do da Leonardi Gabriele (1:43:48) y Brida Nicola (1:54:43). Tla categoria junior ISMF é Magnini Davide stè le plü asvelt te 1:26:43.
Melanie Ploner é stada la plü asvelta te süa categoria te 1:33:45 dan da Felicetti Giorgia (1:41:16) y Senn Vivien (1:57:09). Tla categoria ISMF é De Silvestro Alba stada la plü asvelta te 1:21:14. (Resultac)
Pitturina Skirace
En domënia da doman a Sega Digon tla Val de Comelich s’à 90 scuadres presentè al start dla 7. ediziun de chësta gara, danter chëstes inće 3 scuadres de badioć. Le percurs che i atleć messâ afrontè ê de 25 km y 2.016 m de deslivel. La gara valô sciöche gara de Coppa Dolomiti.
Lois Craffonara y Michael Moling à stlüt jö la gara sciöche terzi plü asvelć tl tëmp de 2:30:07. Filippo Beccari y Roberto De Simone é stà i plü asvelć te 2:22:48. Secundi é stà Thomas Trettel y Ivo Zulian te 2:26:31.
René Irsara deboriada cun Andreas Irsara à stlüt jö cun le 28ejimo post te 3:05:32.
Michael Irsara te scuadra cun Hansjörg Huber é rové al 68ejimo post te 4:23:11. (Resultac)
Michael Moling ala 32. Transcavallo 22.02.2015
L’atlet de Badiasport arjunj n buniscimo 5. post
Schialpinism - Ai 21 y 22 de forà él stè a Alpago la 32. ediziun dla Transcavallo, na gara storica dl schialpinism. Al é na gara a scuadres da dui che vëgn fata te döes tapes. Michael Moling de Badiasport à tut pert te scuadra cun Davide Pierantoni desmostran inće en chësc iade de ester en gran forma. Ai s’à concuisté le 5. post do dales scuadres plü stersces a livel talian.
En sabeda, pro la pröma tapa, êl incër 200 partezipanć al start. I ëi messâ afrontè n percurs de plü de 16 km cun 1810 m de deslivel che condejô söla Cima delle Vacche (2055m), söl Monte Cornor (2174m) y söl Monte Guslon (2196m). Moling-Pierantoni é rovà cuinti te 2:09:13, do da Lenzi-Eydallin (1:52:08), Reichegger-Boscacci (1:54:10), Trento-Pivk (1:55:33) y Beccari-Weisskopf (2:02:56).
Le percurs preodü por la secunda tapa ê de prësc 21 km cun 2566 m de deslivel olache le percurs condejô bëgn dui iadi indô söl Monte Guslon. Por gauja dl bur tëmp, danter vënt, nëi y ciarü, à i organisadus messè tó ca le percurs alternatif de ma plü 10 km y 1385 m de deslivel che ne rovâ nia plü söla piza dl Monte Guslon.
Pro la secunda tapa ne s’à l’ordinn dles prömes 5 scuadres nia mudé y Moling-Pierantoni à confermè le 5. post cun le tëmp de 1:22:07, do da Lenzi-Eydallin (1:14:54), Reichegger-Boscacci (1:14:54), Trento-Pivk (1:16:28) y Beccari-Weisskopf (1:19:31).
Michael Moling sön podest ala 4. Extreme Badalis 15.02.2015
En domënia ai 15 de forà él stè a Milies, tla provinzia de Treviso, la gara a scuadres olache Moling Michael de Badiasport à tut pert. Al à garejè te scuadra cun Pierantoni Davide. Ales 49 scuadres ti aspetâl n percurs de 14,7 km cun 1680 m de deslivel. Le punt plü alt ê a 1610 m. La gara é gnüda davagnada dai campiuns mondiai de gara a scuadres pro i campionać de Verbier, Lenzi Damiano y Eydallin Matteo. Ai À stlüt jö la gara te 1:47:26. Trento Denis y Pivk Tadei é stà secundi te 1:49:50. Moling Michael y Pierantoni Davide s’à concuisté le 3. post te 1:57:11.
Raida Ladina do da trëi proes 11.02.2015
Heidi Dapunt é pröma pro les ëres
Schialpinism - Pro la Raida Ladina é l’uniun de Badiasport tres bun rapresentada, inće ti pröms posć dla tlassifica. Tratan la 3. proa te Sëlva ai 11 de forà, le 10. Trofeo Rodes Gherdëina, àl tut pert 19 atleć de Badiasport y Craffonara Lois y Dapunt Heidi à davagné le pröm post te sües categories.
Indöt êl 160 partezipanć che messâ se mosoré sön n percurs de 5,5 km cun 600 m de deslivel.
Le plü asvelt de düć é stè Oberbacher Alex te 0:38:43. Te süa categoria é spo Mike Trebo rové al 3. post te 0:44:02 y Ploner Nicolas al 5. te 0:56:15, sön indöt 7 partezipanć.
Pro i master é Craffonara Lois stè le plü asvelt te 0:38:56. Irsara Michael é rové al 7. post te 0:41:57, Adang Jan Paul al 8. post te 0:42:01, Dagai Alex al 13. post te 0:43:29, Feichter Richard al 14. post te 0:43:37, Irsara Rene al 25. post te 0:45:31, Pescoll Andreas al 31. post te 0:46:24, Costa Denis al 38. post te 0:47:30, Willeit Markus al 47. post te 0:49:49, Irsara Andreas al 59. post te 0:52:16, Piccolruaz Giuseppe al 78. post 1:01:21 y Dapoz Elmar al 82. post te 1:02:55, sön indöt 94 partezipanć.
Pro les ëres é Dapunt Heidi stada la plü asvelta te 0:49:26, Ebner Verena é stada 9. te 0:54:35, Canins Claudia 10. te 0:55:51, Valentin Katrin 18. te 1:03:40 y Lezuo Susi 21. te 1:06:50, sön indöt 31 partezipantes.
Pro la proa di 6 de forà, la 5. Ediziun dl Trofeo Oskar Costa, â i 140 atleć n percurs de 4,15km cun 477 m de deslivel da afrontè. Dapunt Heidi y Craffonara Lois à indô davagné te sües categories. Le plü asvelt de düć é indô stè Oberbacher Alex cun le tëmp de 0:27:40. Te süa categoria é spo Trebo Mike stè 5. te 0:34:24, Ploner Nicolas 7. te 0:38:07, Irsara Luigi 8. te 0:38:08 y Canins Ivan 9. te 0:42:33, sön 11.
Pro i master é Craffonara Lois stè 1. te 0:27:49, Adang Jan Paul 3. te 0:28:32, Irsara Michael 5. te 0:28:45, Dagai Alex 8. te 0:30:12, Kostner Martin 10. te 0:30:30, Feichter Richard 13. te 0:30:57, Pescoll Andreas 17. te 0:32:31, Costa Denis 18. te 0:32:43, Pitscheider Roland 22. te 0:33:54, Pitscheider Paolo 24. te 0:34:26, Tasser Roberto 25. te 0:34:53, Willeit Markus 32. te 0:37:30 y Piccolruaz Giuseppe 60. te 0:45:13, sön 75.
Pro les ëres é Dapunt Heidi stada 1. te 0:34:26, Ebner Verena 3. te 0:37:47, Canins Claudia 4. te 0:39:18, Clara Valentina 6. te 0:43:01, Irsara Sofia 8. te 0:44:45, Valentin Katrin 12. te 0:45:09, Valentini Carla 14 te 0:45:45 y Lezuo Susi 17. te 0:46:11, sön 33.
La pröma proa é stada a Ćianaćëi ai 13 de jenà y l’ultima sarà a Reba ai 6 de merz.
Campionat talian de schialpinism di gragn 01.02.2015
Michael Moling y Lois Craffonara toch dancà
Schialpinism - Al 1. de forà él stè tla provinzia de Sondrio, plü avisa a Pescegallo, la gara de campiopnat talian di gragn dl schialpinism. Inće 3 badioć à tut pert cun i mius a livel talian de chësc sport: Moling Michael, Craffonara Lois y Adang Jan Paul.
La gara é gnüda fata incër la munt Salmorano cun n percurs de 1750 m de deslivel por i ëi y de 1600 m de deslivel por les ëres, cun dui toć söpert y un jöpert. Le livel dl percurs ê da campionat y se damanâ le mascimo dai partezipanć.
Dales 9:30 é i 200 atleć pià ia. I 3 de Badiasport s’à fat onur arjunjon de buniscimi resultać y rovan pro i pröms al travert. Moling Michael é rové al 15ejimo post te 1:53:48. Craffonara Lois é rové 18ejimo te 1:54:28. Adang Jan Paul é rové 33ejimo te 2:06:15. Dancà êl i 6 mëmbri dla scuadra nazionala y d’atri atleć de altiscimo livel. I plü asvelć é stà Lenzi Damiano te 1:41:06, Boscacci Michele te 1:42:11 y Antonioli Robert te 1:42:25. Te chësta categoria êl indöt 120 partezipanć. Sön les indöt 22 ëres dla categoria senior s’à Pedranzini Roberta concuisté le titul de campionëssa taliana te 1:58:53, dan da Nicolini Elena 2:01:59 y Valmassoi Martina 2:03:20
Valle di Rezzalo 25.01.2015
Moling Michael y Adang Jan Paul ala XV. Valle di Rezzalo
Le medemo fin dl’edema é Moling Michael y Adang Jan Paul jüs a Sondalo (SO) ala XV. gara dla Valle di Rezzalo. Al ê na gara a scuadres da dui cun n percurs de 1690 m de deslivel. Sön i 43 pêrs dla categoria di ëi é Moling Michael stè le secundo plü asvelt cun Pierantoni Davide te 1:41:56 do da Beccari Filippo y Colle’ Franco che à arjunt le travert sciöche pröms te 1:41:56. Terzi é stà Tiraboschi Richard y Antonioli Daniel te 1:47:26. Adang Jan Paul é rové al travert tosc do cun Elsler Martin, se concuistan le 9. post te 1:54:01.
Gitschberg Nightattack 23.01.2015
Ala „Gitschberg Nightattack“ 11 partezipanć de Badiasport
En vëndres ai 23 de jenà à na scuadra de 11 atleć de Badiasport tut pert ala gara da sëra „Gitschberg Nightattack“ a Meransen. 6 km cun indöt 810 m de deslivel condejô i 184 partezipanć al travert sö dala Gitschberghütte. I pröms da rové al travert é stà Götsch Philipp te 37:14, Stofner Martin te 37:38 y Zemmer Martin te 37:41. Te chësta categoria, di ëi sot ai 45 agn, é Craffonara Lois rové 10. te 39:57, Irsara Michael 17ejimo te 41:52, Irsara René 36ejimo te 45:33 y Dapoz Hermann 55ejimo te 52:40.
Tla categoria sot ai 30 agn é Trebo Mike rové 11ejimo te 43:49, Dagai Alex 15ejimo te 44:55, Kostner Martin 17ejimo te 46:04 y Tavella David 24ejimo te 56:07. Pröm é stè Renzler Martin te 39:15.
Tla categoria hobby gnôl ćiarè a chi che rovâ plü dlungia al tëmp mesan. Pro les ëres é Lezuo Susi rovada terza plü dlungia te 1:11:04. Pro i ëi é Ploner Werner stè le 6. plü dlungia le tëmp mesan te 1:01:56 y Ploner Nicolas le 9. plü dlungia te 58:02.
Skialprace Ahrntal
Michael Moling de Badiasport pro i pröms 9
Schitour - En domënia ai 11 de jenà él stè a Weissenbach le „Skialprace Ahrntal“, gara de schitour che chërda adalerch atleć da dalunc adalerch. La gara valô sciöche gara dl ISMF International Race, sciöche gara de Coppa Italia y sciöche gara dl Südtirol Cup.
Les condiziuns dl tëmp ê critiches, danter le vënt sterch y la nëi plü alalt, mo impò é la gara gnüda fata, mudan le percurs ćiamò tratan la gara. Le percurs de 14 km cun 1650 m de deslivel, preodô toć da jì a pé, toc cui schi söpert y jöpert cun indöt 11 „cambi“. Dales 10 êra spo tan inant y i 177 partezipanć é pià ia dal start cun i schi tla man. Danter ëi êl inće 5 atleć de Badiasport che à arjunt de buniscimi resultać.
I trëi plü asvelt de düć, düć trëi dla categoria seniores ëi sciöche inće i atleć de Badiasport, é stà Trento Denis, cun n tëmp de 1:19.45, Pivk Tadei cun n tëmp de 1:21.01 y Neurauter Armin cun n tëmp de 1:21.56. Tosc dô rovâ adalerch le pröm de Badiasport, Michael Moling, arjunjon le 9. post tla categoria totala di seniores di ëi, tl tëmp de 1:25.37. Le secundo miù badiot é stè Lois Craffonara, tl tëmp de 1:27.52, rovan al 15ejimo post. Jan Paul Adang é rové al 25ejimo post te 1:33.08, René Irsara al 43ejimo post te 1:41.08 y Michael Irsara al 48ejimo post te 1:42.25, sön indöt 67 atleć de chësta categoria rovà al travert.
Cun chisc resultać s’à i atleć de Badiasport posizionè dancà tla tlassifica por le Südtirol Cup:
Michael Moling al 2. post, Lois Craffonara al 4. post, Jan Paul Adang al 7. post, René Irsara al 18ejimo y Michael Irsara al 20ejimo post. Pröm te chësta tlassifica é stè Roberto De Simone te 1:22.34 y terzo Innerhofer Paul te 1.27.40.
Tla categoria dles seniores ëres, cun n percurs de 12 km y 1400 m de deslivel, é Martinelli Francesa rovada pröma te 1:00.44, Besseghini Laura secunda te 1:02.02 y Ghirardi Corinna terza te 1:03.37. (Badiasport)
Jan Paul Adang
TOUR DE SAS 2015: Campionat talian de schitour di jogn
Ploner Melanie y David Frena pro i mius a livel talian
Schitour - Le Tour de Sas 2015 à ospité en domënia ai 18 de jenà le Campionat talian de schitour di jogn. I organisadus à salpü da ti pité na gara spetacolara cun trëi percursc interessanć sides ai atleć dles trëi categories sides ai spetadus, che à podü odëi y vire para da daimprò gran pert dla gara. Grana é stada la sodesfaziun di organisadus da odëi en domënia da doman i 140 atleć jogn dl schitour talian al start sö La Crusc. Grana é inće stada la sodesfaziun di partezipanć y di spetadus, che à podü aprijé al mascimo le percurs de gara nü cun n tëmp y n panorama unics. A livel nazional àn podü tó pert ala gara tres la staziun radio NBC.
I trëi percursc de gara, arjignà ca tecnicamënter cun gran cura sön mosöra por les trëi categories di „cadetti“, „junior“ y „espoir“, à metü ala proa i atleć sides por ći che reverda süa condiziun fisica sides por sciöche ai ê bugn da interpretè la gara. Ëi messâ afrontè tòć a pé y tòć cui schi söpert y jöpert. I atleć jogn taliagn à mostrè sö n buniscimo livel, che ai à inće bele desmostré a livel mondial. Danter i plü stersc êl inće i dui partezipanć dl post: David Frena y Melanie Ploner. Ala gara à inće 6 d’atri atleć dl post tut pert: Mike Trebo, Ploner Nicolas, Irsara Luigi, Canins Ivan, Rottonara Luca y Clara Valentina.
Pro les 18 „cadette“, che â n percurs de 4,4 km cun 605 m de deslivel é Ploner Melanie rovada secunda te 42:31, do da Murada Giulia che à stlüt jö la gara tl tëmp de 42:13. Clara Valentina à arjunt le 15ejimo post te 54:58.
Pro i 38 „cadetti“, é Gusmeroli Davide stè le plü asvelt te 34:23. Ploner Nicolas à arjunt le 32ejimo post te 46:08, Irsara Luigi le 34ejimo post te 50:08, Canins Ivan le 35ejimo post te 52:59 37 y Rottonara Luca le 37ejimo post te1:47:57.
Pro i 40 partezipanć dla categoria „junior“, che â n percurs de 6,9 km cun 820 m de deslivel, à David Frena arjunt le 6. post te 53:49 y Trebo Mike le 31ejimo post tl tëmp de 1:02:26. Pröm é stè Magnini Davide te 48:10. Le titul de campionëssa taliana pro les „junior“ él stè Alba De Silvestro che à davagné.
Pro i „espoir“ che â n percurs de 12 km cun 1450 m de deslivel él stè Martina De Silvestro che à davagné te 1:43:00 y Nadir Maguet te 1:20:36.
Le presidënt dl comitê Daniele Irsara é dër contënt por le suzès dla 7. ediziun dl Tour de Sas y sambëgn dla buna colaboraziun cun i tröc volontars y cun i sponsor, dilan a chi che la manifestaziun à podü gnì a s’al dè y garatè. Por deplü informaziuns sura i resultać, le percurs y por les fotografies: www.tourdesas.it. (Badiasport)