Arjënt por Nicolas Ploner y Heidi Dapunt al Gitschberg Nightattack 19.01.2018

En vëndres ai 19 de jená él sté la 11. ediziun dla gara de nöt organisada dal’ASV Gitschberg deboriada cun la Gitschhütte. I dui atlec de Badiasport che á garejé cun i atri 80 partezipanc ala gara sön pista cun le start a Meransen é stá Ploner Nicolas pro la categoria di nasciüs do le 1998 y Dapunt Heidi pro les ëres. Trami á stlüt jö la gara de 6 km cun 810 m de deslivel cun le secundo miú tëmp de süa categoria. Nicolas é rové al travert tl tëmp de 49:39.33, do da Mantinger Peter (44:45.17) y dan da Gasteiger Simon (51:29.49). Heidi é rovada al travert tl tëmp de 49:58.86, do da Senn Vivien (49:44.62) y dan da Renzler Astrid (50:33.46). La gara é stada la terza dla seria dl Eisacktal Cup. Resultac

Campionat talian de schitour a Weißenbach 14.01.2018

Craffonara y Moling cun i profescionisc dancá

Sön le percurs de gara de 16,5 km cun n deslivel total de 1690 m é Robert Antonioli deventé campiun talian, stlujon jö la gara tl tëmp de 1:40.34. Sön le podest cun ël él rové i atri dui atlec dla scuadra nazionala Michele Boscacci (1:40.45) y Nadir Maguet (1:41.14). Craffonara Lois é rové al travert sciöche 10. te 1:51.27,1 deboriada cun Moling Michael sciöche 11. te 1:51.27,5. Adang Jan Paul é rové al 29. post te 2:08.03.

Pro i Under 23 é Trebo Mike sté le 4. plü asvelt te 2:14.13. Irsara Andreas é sté le 10. plü asvelt pro i Master cun le tëmp de 2:17.37.

Pro i Junior, cun n percurs de gara de 13,5 km de lunghëza y 1420 m de deslivel total, é Ploner Nicolas sté le 2. plü asvelt te 2:06.21.
Resultac

La sajun dles gares de schitour é daverta

Campionac talians di jogn 07.01.2018
I jogn da döta Italia s’á mosoré tl sport dl schitour ai 7 de jená a Vermiglio (TN), pro i campionac talians.
Ploner Nicolas, Irsara Luigi y Mininni Alex de Badiasport á ince tut pert.
Tla categoria di junior, cun n percurs de gara de 10 km cun 950 m de deslivel, s’á Ploner Nicolas classifiché sciöche 32. te 1:26:54 y Irsara Luigi sciöche 41. te 1:36:14.
I pröms trëi é stá Confortola Stefano (1:02.49), Prandi Andrea (1:02:59) y Guichardaz Sebastien (1:05:07).
Tla categoria cadetti, cun n percurs de 8 km cun 700 m de deslivel é Mininni Alex rové 41. te 1:24:01. I pröms trëi é stá Sostizzo Matteo (0:56:24), Rossi Alessandro (0:58:31) y Murada Simone (1:00:27). Resultac

Plose Skiuphill Night 05.01.2018
Cun i pröms dl ann, plü avisa ai 5 de jená, é les gares jüdes inant cun la competiziun söla Plose. Ince da chësta gara s’á Badiasport concuisté na medaia d’or, cun Verena Ebner sciöche la plü asvelta dles ëres. Ala gara sön pista de 1400 m de deslivel, che valô sciöche secunda gara dla Eisacktal Cup, é les badiotes stades pro les plü asveltes, cun Ebner dancá te 1:18:19.03, Heidi Dapunt (1:21:14.07) sciöche cuarta y Shelton Jenn (1:21:23.24) sciöche cuinta, cun Renzler Astrid (1:20:12.54) y Senn Vivien (1:21:12.05) amesaite.
Kostner Martin é sté 20. (1:27:58.78) te süa categoria, cun Götsch Philipp (57:39.54), Kerschbaumer Gerhard (58:43.97) y Thöni David (59:39.48) dancá. Resultac

18. Skiuphill Vals/Jochtal 29.12.2017
Ai 29 de dezëmber á deplü atlec y atletes de Badiasport stlüt jö l’ann 2017 y daurí la sajun dles gares a Vals. Ala gara sön pista da sëra cun 3.200 m de lunghëza y 632 m de deslivel s’ál presenté incër 120 partezipanc. Ploner Nicolas, Shelton Jenn, Ebner Verena, Dapunt Heidi y Pedevilla Veronika de Badiasport á ince tut pert ala competiziun che valô sciöche pröma gara dla Eisacktal Cup.
Ploner Nicolas é rové pröm tla categoria di jogn nasciüs do le 1998, cun n tëmp de 32:38.73, dan da Gasteiger Simon (34:44.20) y Rossi Nicola (35:28.84).
Pro les ëres é Shelton Jenn stada la plü asvelta dles badiotes, se classifican cuarta te süa categoria, tl tëmp de 33:53.74, cun Ebner Verena tosc do sciöche cuinta, te 34:02.49. Heidi Dapunt s’á concuisté le setimo post te 34:57.64 y Pedevilla Veronika le 16. post te 40:12.31. Les plü asveltes dla categoria é stades Steger Elisabeth (32:21.64), Neri Susanna (33:11.87) y Rabensteiner Lisa (33:23.21). Resultac

Pröma gara dla sajun por i atlec jogn dl nodé de Badiasport

En sabeda ai 25 de novëmber s’á atlec jogn dl nodé da döt Südtirol abiné a Urtijëi por la pröma gara dl VSS (Verband der Sportvereine Südtirols) dla sajun 2017/2018. Ince na scuadra de Badiasport cun Aichner Ryan, Gaetani Simone, Granig Elisabeth, Irsara Sofie, Pedevilla Manuel y Pizzinini Samuel á tut pert.

Les nodadësses y i nodadus de Badiasport s’á mosoré cun i atri atlec de Südtirol te deplü gares y stii cun de bugn resultac. Gaetani Simone y Pizzinini Samuel s’á concuisté le podest pro döes proes.

Pro i 25 m de stil lëde por i mituns nasciüs tl 2007 é Gaetani Simone y Pizzinini Samuel stá i plü asvelc y á arjunt le pröm y le secundo post cun n tëmp de 00:22:04 y 00:22:87.

Ince pro i 25 m a spiné s’á Gaetani Simone y Pizzinini Samuel concuisté le podest. Simone sciöche le secundo miú te 00:28:13 y Samuel sciöche le terzo miú te 00:28:51. Le pröm á stlüt jö la gara te 00:25:53.

Ryan Aichner, Sofie Irsara, Elisabeth Granig, Manuel Pedevilla, Simone Gaetani, Samuel Pizzinini

Aichner Ryan, Irsara Sofie, Granig Elisabeth y Pedevilla Manuel á tut pert pro la stafëta de 4x25m tl stil lëde por i nasciüs danter le 2009 y le 2011. Ai s’á posizioné al 11. post cun n tëmp de 1:52:13 sön indöt 14 scuadres. I plü asvelc é stá la scuadra da Laifers cun n tëmp de 1:19:03.

Pro i 25 m de stil lëde por i mituns nasciüs tl 2009 á Aichner Ryan arjunt le 6. post te 00:19:87 y Pedevilla Manuel le 22. post te 00:25:10. Le plü asvelt á stlüt jö la gara te 00:17:50. Pro i 25 m de stil lëde por les mitans nasciüdes tl 2009 á Irsara Sofie arjunt le 10. post te 00:27:22 y Granig Elisabeth le 13. post te 00:29:53. La plü asvelta á stlüt jö la gara te 00:20:22.

Nudè y atletica pur mituns 2017/2018

Badiasport mët indô a jì cun otober alenamënć da nodè y atletica por mituns dala 3. tlassa elementara ćina ala 3. mesana. Al vëgn insigné i stii lëde y spiné, sciöche inće la basa di stii arosch y delfin. Le training de altetica lisiera alza fora les capazitês de coordinaziun y de condiziun, al vëgn inće insigné les formes de basa dles singoles disciplines de atletica lisiera. Nodè vëgn tignì vigni lönesc tla nodadoia da La Ila, l’atletica lisiera vigni jöbia (o vëindres) tla palestra dla scora mesana da La Ila por la perioda otober ćina mà. L iscriziun mas gni fata con casc formular (atres iscriziuns pur e-mail o telefon ne gnarà nia tutes in cunt). Ince I mituns/les mitans che à tut pert bel l ann pasè mas compilé l formular.

I mituns/les mitans che à bel partezipé l ann pasè al curs à, scioch vigni ann, la prezedanza.

Nudè pur prinzipianc 2017/2018

Badiasport organisëia indô n curs da nudè pur prinzipianć pur i mituns dala 1. ala 4. tlassa elementara. Le curs vëgn tignì vigni Jöbia domisdè (gruppo gragn 16.00-17.00, gruppo pici 17.00-18.00) tla nodadoia da La Ila por la perioda otober ćina mà. Al é dè la poscibilité pur i plö bogn da passè tl grup de alenamënt dô n pü de tëmp. L iscriziun mas gni fata con casc formular (atres iscriziuns pur e-mail o telefon ne gnarà nia tutes in cunt). Ince I mituns/les mitans che à tut pert bel l ann pasè mas compilé l formular.

I mituns/les mitans che à bel partezipé l ann pasè al curs à, scioch vigni ann, la prezedanza.

Nudè pur adulc 2017/2018

Cun otober mëta indô man “Nudè adüm” – nudè pur adulc". Al vëgn insigné i 4 stlii lëde, spiné, arosch y delfin, y mioré la coordinaziun y la condiziun. Le curs vëgn tignì tla nodadoia da La Ila vigni mertesc dales 19.30 ales 20.30 (prüm grup) y dales 20.30 ales 21.30 (secundo grup) por la perioda otober ćina mà. Al ne se trata nia de en curs pur prinzipianć, purchël vëgnel damanè les capazitês de base dl nudè. L iscriziun mas gni fata con casc formular https://goo.gl/forms/5DXhKVs9xQnOsFTm1
(atres iscriziuns pur e-mail o telefon ne gnarà nia tutes in cunt).

Ince chi che à tut pert bel l ann pasè mas compilé l formular. Chi che à bel partezipé l ann pasè al curs à, scioch vigni ann, la prezedanza.

ASC Ladinia Run & Kids Run 20/08/2017

Curs ginnastica artistica 07.06.2017

Badiasport organiseia les ultimes düs edmes de jügn en pice curs de ginnastica artistica cun Federica. Al é ±15 posc pur mitans y mituns cun en eté dai 6 ai 10 agn.L curs vagn tignì tla palestra picera dla scola mesana da La Ila pur 5 iadi, I dis 21, 23, 26, 28, 30 de jügn tres dales 10:00 ales 11:30.
Pur chi che ó to pert praibel scri a na mail entro I 16 de jügn cun:
Inom, cugnom, data de nascita, nr de telefon

Training atletica cun Alex 15.05.2017

Badiasport in colaburaziun cun Alex Verginer organisëia n training de atletica pur mitans/mituns dai 13 ai 16 agn.

Prüma incuntada y picera proa: incö lünesc 15/05/2017 dales 17:00 campo La Ila
Training: da sagn cina ala fin d’ieste 2-3x al edema
Training: altonn y inver 1-2x al edema
Fin cursc: ma 2018

Pur info/iscriziuns preibel mana na email a posta@badiasport.org.

Fine cursc y gara da nude 15.05.2017

Cun chesta edma se rüva i cursc da nudè y atletica pur mitans y mituns de Badiasport.

In sabeda ai 20 de má dales 15:00 vagnel ciamò fat na picera gara da nudè pur desmustré ci che mitans y mituns a imparè tratan casc agn. Düc i geniturs e sambëgn dar bel invià.

Marmotta Trophy 19.03.2017

Na gran scuadra de Badiasport al Marmotta Trophy

Ai 18 y ai 19 de merz él sté tla Val de Martell 2 dis de gara de schialpinism. Ala 10. ediziun dl Marmotta Trophy ál tut pert tröc atlec de Badiasport te deplü categories: Ploner Nicolas, Mininni Alex, Frena David, Trebo Mike, Craffonara Lois, Dagai Alex, Irsara Andreas y Moretti Marianne.
Le pröm de domisdé él sté le sprint de 4,74 km cun 600 m de deslivel.
Tla categoria „cadetti“ s’á Ploner Nicolas posizioné al 18. post cun le tëmp de0:04:14 y Mininni Alex al 32. post te 0:04:41. Pröms é stá Rossi Alessandro (0:03:36), Antonioli Simone (0:03:41) y Sanelli Mirko (0:03:46).
Andreas Irsara é rové 23. tl sprint di ëi cun le tëmp de 0:04:18. Pröms é stá Antonioli Robert (0:03:22), Herrmann Jakob (0:03:39) y Nicolini Federico (0:03:41).

Moretti Marianna é rovada 8. pro le sprint dles ëres cun le tëmp de 0:04:57. Ai pröms trëi posc s’á classifiché Nicolini Elena (0:03:55), Compagnoni Giulia (0:04:03) y Von Borstel Susi (0:03:59).
Pro la gara dla domënia messâ i atlec afronté n percurs de 19,5 km cun 1.652 m de deslivel. Le miú tëmp di badioc él sté Craffonara Lois che á fat, se classifican al 12. post cun le tëmp de 1:52:56. Dagai Alex é rové 27. te 2:05:28 y Irsara Andreas 28. te 2:05:57.
I trëi mius é stá Antonioli Robert (1:38:59), Herrmann Jakob (1:39:16) y Boffelli William (1:40:45).

Tla categoria „espoir“ é Frena David rové 12. te 2:11:23 y Trebo Mike 15. te2:17:56. Dancá s’á posizioné Nicolini Federico (1:48:30), Aymondo Henri (1:51:42) y Oberbacher Alex (1:52:38).
Pro i „cadetti“ che â n percurs plü cört, plü avisa de 8,8 km cun 657 m de deslivel s’á Ploner Nicolas posizioné al 19. post te 1:07:30 y Mininni Alex al 30. post te 1:14:11. Pröms é stá Sostizzo Matteo (0:55:34), Gadola Alessandro (0:56:10) y Rossi Alessandro (0:57:06).
Pro les ëres cun n persurs de 16,7 km y 1.347 m de deslivel s’á Moretti Marianne concuisté le secundo scalin dl podest te 2:17:10, amesa Sartogo Monica (2:11:55) y Cavallari Ilaria (2:21:38).

Jan Paul Adang davagna la 5. Skialp Dimon 12.03.2017

Ai 12 de merz él sté a Paularo tl Friul la 5. ediziun dla Skialp Dimon: Adang Jan Paul, Irsara Andreas, Moretti Marianne y Shelton Jenn de Badiasport á tut pert. I atlec messâ afronté n percurs de gara de 17 km de lunghëza cun 1.560 m de deslivel. Adang Jan Paul á batü düc, stlujon jö la gara sciöche pröm cun le tëmp de 1:55:01. Do da d’ël él spo rové Della Pietra Elia te 2:00:22 y sciöche terzo Piller Hofer Matteo te 2:01:47. Andreas Irsara é rové cuarto te 2:03:07. Indöt é 39 partezipanc tla categoria di ëi rová al travert.

Pro les ëres é Jenn Shelton rovada 5. te 2:47:04 y Moretti Marianne 6. te 2:47:07.

Pröma é rovada De Filippo Cecilia te 2:11:23, secunda Theocaris Maria Dimitra te 2:14:02 y terza Sartogo Monica te 2:35:06.4. Indöt é 7 ëres rovades al travert.

Lois Craffonara y Michael Moling ala Pierra Menta 2017

La competiziun internazionala de schialpinism Pierra Menta vëgn metüda a jí dal 1986 incá, vigni ann de merz. Atlec de schialpinism da döta Europa y da foradecá s’incunta por un di majeri apuntamënc dla sajun a Arêches - Beaufort tla Savoia, tla Francia. La gara alda cun la Patrouille des Glaciers y le Trofeo Mezzalama pro les gares plü importantes y conesciüdes de schialpinism tles Alpes.

Incër 400 atlec, partis sö te 16 scuadres feminiles y 177 scuadres maschiles da dui, á afronté danter i 9 y 12 de merz, te 4 dis de gara, indöt 10.000 m de deslivel. Le percurs coliëia 15 pizes da 2.000 a 2.687 metri tres tapes söpert sfadioses y toc jöpert spetacolars. La gara é gnüda acompagnada sciöche vigni ann da milesc de spetaturs, che cun ciampaneles y trombëtes sostëgn i mius atlec europeics de chësc sport ti cater dis de competiziun.

Lois Craffonara y Michael Moling de Badiasport á tut pert ales cater tapes arjunjon n resultat ezelënt, se posizionan al 14. post.

Ai á stlüt jö i cater dis de gara cun n tëmp total de 12:00:59: le pröm de cun 02:35:04, le secundo de cun 03:05:50, le terzo de cun 03:08:01 y le cuarto de cun 03:12:04.

Pröms é stá Eydallin / Lenzi cun n tëmp total de 10:23:55 (T1 02:17:05; T2 02:43:47; T3 02:36:40; T4 02:46:23). Secundi é stá Jornet Burgada / Sévennec cun n tëmp total de 10:37:14 (T1 02:21:55; T2 02:44:54; T3 02:41:58; T4 02:48:27). Terzi é rová Maguet / Boscacci te 10:40:06 (T1 02:20:35; T2 02:46:32; T3 02:41:36; T4 02:46:23).

Lagorai Cima d'Asta 05.03.2017

Ai 5 de merz á cater atlec de Badiasport, Adang Jan Paul, Dagai Alex, Irsara Daniele y Shelton Jenn tut pert ala 27. ediziun dla gara de schialpinism Lagorai Cima d’Asta tla Valsugana. Al é gnü garejé a scuadres da dui sön n percurs de 10 km de lunghëza y 1.400 m de deslivel. Le percurs de gara á condüt les 61 scuadres da dui maschiles y moscedades cina sö ala Cima d’Asta, a 2.847 m d’altëza. Ala gara de campionat talian, olache tröc di mius atlec taliansde schialpinism s’á presenté, á Adang / Dagai stlüt jö cun n buniscimo resultat. Ai á fat l’8. miú tëmp, te 1:45:58. Irsara / Shelton é rová al 46. post te 2:22:16.

Premiaziun Lagorai Cima d'Asta cun Jan Paul Adang e Alex Dagai

Sön podest é rová Antonioli R. / Boscacci te 1:29:35; Boffelli / Lanfranchi te 1:31:26; Reichegger / Antonioli D. te 1:33:44.

La scuadra Jenn Shelton/Daniele Irsara tratan la gara Lagorai Cima d'Asta

Cortina C.A.I. Snow Run 25.02.2017

La pröma ediziun dla gara da salté söla nëi a Cortina á albü n gran suzes, cun bëgn 175 partezipanc. Por Andreas Irsara de Badiasport é la gara ince stada n suzes: ël á fat le miú tëmp de düc.

Ai 25 de forá dales 18, piâ i atlec ia dal zënter de Cortina y saltâ spo por 19,5 km y 1380 m de deslivel do pista. Andreas Irsara é rové sciöche pröm al travert, cun le tëmp de 1:47:56. Do da d’ël é spo rová Nani Eddj te 1:48:29 y Corrias Massimo te 1:49:08.

13. Ski Alp Val Rendena 25.02.2017

Ai 25 de forá él spo ince sté la gara a Pinzolo, olache i dui atlec de Badiasport Moling Michael y Adang Jan Paul á ince tut pert. Ëi messâ afronté n percurs de 17 km y 1650 m de deslivel incër le Doss del Sabion. Al travert él rové bëgn 160 partezipanc, y Moling y Adang ti pröms 15. Plü avisa é Moling Michael rové 7. tl tëmp de 1:51:50. Adang Jan Paul é rové sciöche 15. al travert, te 1:59:52. I pröms trëi plü asvelc é stá Stofner Martin (1:45:58), Goetsch Philip (1:46:38) y Colle Franco (1:48:59).

34. Transcavallo Alpago 18.02.2017

En sabeda ai 18 de forá él sté la 34. ediziun dla Transcavallo a Alpago. Ara se trata de na gara a scuadres da dui, chësc ann de un n de. Le percurs condüj i atlec deplü iadi söla piza dl Guslon, vigni iade da n’atra pert sö. La gara é spetacolara y se damana na buna preparaziun atletica, cun 18.570 m de lunghëza y 2.150 m de deslivel. Do le pröm toch a pe arjunj i partezipanc coi schi le Guslon. A pe vára inant cina ala Cresta Castellat y do n toch jöpert arjunj i atlec spo danü le Guslon. Do n’ultima pert jöpert cun i schi salta spo i partezipanc devers dl travert cun i schi tles mans.

I 6 atlec de Badiasport Lois Craffonara, Michael Moling, Mike Trebo y Alex Dagai, Daniele Irsara y Jenn Shelton á tut pert ala gara, se mosoran cun 55 d’atri pers de atlec. Do i pröms trëi rová al travert Eydallin – Lenzi tl tëmp de 2:16:17, Barazzuol – Pivkte 2:18:00 y Lanfranchi – Boffelli te 2:18:57, é Craffonara – Moling rová al travert sciöche 5., te 2:38:56. Trebo – Dagai á arjunt le 12. post te 3:05:52.

Gares de Coppa Italia por i jogn de Badiasport tla Valtellina 05.02.2017

Li Skariza da Foc(a)- Dui dis de gara á albü Frena David, Nicolas Ploner y Luigi Irsara a Valfurva tla Valtellina, ai 4 y 5 de forá. Le pröm de él sté le Sprint y le secundo de la gara plü lungia. Le resultat valô por la Coppa Italia Giovani.

Pro le Sprint, la sabeda sëra, messâ i atlec afronté 650 m de gara. Te süa categoria, cun 19 partezipanc, é Frena David rové 10. te 3'52.70. I plü asvelc é stá Nicolini Federico te 3'17.60, Faifer Luca te 3'24.40 y Canclini Pietro te 3'26.30.

Tla categoria de Nicolas y Luigi êl 37 atlec y i dui badioc á arjunt le 25. post, Nicolas Ploner te 5'02.00, y le 26. Post, Luigi Irsara te 5'10.50. Dancá él rové Gontier Alberto te 3'51.30, Giacomelli Simone te 3'57.10 y Antonioli Simone te 3'58.20.

Le de do, sön i 8 km cun 1035 m de deslivel, é Frena David rové 9. sön 17, tl tëmp de 1:27'12. Dancá êl Nicolini Federico cun le tëmp de 1:18'09, Canclini Pietro cun 1:18'44 y Bacca Valentino cun 1:21'19.

Pro la proa di 5,5 km cun 660 m de deslivel é Ploner Nicolas rové 20. te 1:09'45 y Irsara Luigi é rové 29. te 1:15'28. I plü asvelc da rové la gara é stá Gadola Alessandro te 55’24, Gontier Alberto te 57’03 y Sanelli Mirko te 58’08.

Hochkönig Erztrophy a Bischofshofen 05.02.2017

En domënia ai 5 de forá él sté le Hochkönig Erztrophy a Bischofshofen. Craffonara Lois, Moling Michael, Adang Jan Paul y Trebo Mike de Badiasport á tut pert ala gara.

Adöm cun les 2 gares Jennerstier ai 18 y 19 de forá tla Germania y cun la Marmotta Trophy ai 18 y 19 de merz tl Martelltal fej chësta gara pert dla Alpencup 2017.

Sön le percurs de 1450 m de deslivel s’á i atlec badioc mosoré te süa categoria cun d’atri 65 partezipanc, rovan prësc düc ti pröms 15. Lois Craffonara á fat na buniscima gara se concuistan le 4. post tl tëmp de 1:26:15, do da Herrmann Jakob 1:20:17, Weißkopf Martin 1:21:18 y Höfl Armin 1:21:41. Michael Moling á ince fat un di mius tëmps, rovan 8. te 1:30:07. Jan Paul Adang é rové 14. te 1:31:57 y Trebo Mike 47. te 1:46:36.