Ai 12 de merz él sté a Paularo tl Friul la 5. ediziun dla Skialp Dimon: Adang Jan Paul, Irsara Andreas, Moretti Marianne y Shelton Jenn de Badiasport á tut pert. I atlec messâ afronté n percurs de gara de 17 km de lunghëza cun 1.560 m de deslivel. Adang Jan Paul á batü düc, stlujon jö la gara sciöche pröm cun le tëmp de 1:55:01. Do da d’ël él spo rové Della Pietra Elia te 2:00:22 y sciöche terzo Piller Hofer Matteo te 2:01:47. Andreas Irsara é rové cuarto te 2:03:07. Indöt é 39 partezipanc tla categoria di ëi rová al travert.
Jan Paul Adang
Pro les ëres é Jenn Shelton rovada 5. te 2:47:04 y Moretti Marianne 6. te 2:47:07.
Pröma é rovada De Filippo Cecilia te 2:11:23, secunda Theocaris Maria Dimitra te 2:14:02 y terza Sartogo Monica te 2:35:06.4. Indöt é 7 ëres rovades al travert.