Iscriziuns nudé y atletica mituns 2016/2017

Nudè pur prinzipianć
Badiasport organisëia indô n curs da nudè pur prinzipianć pur i mituns dala 1. ala 4. tlassa elementara. Le curs vëgn tignì vigni mercui domisdè (gruppo gragn 14.45-15.45, gruppo pici 15.45-16.45) tla nodadoia da La Ila por la perioda otober ćina mà. Al é dè la poscibilité pur i plö bogn da passè tl grup de alenamënt dô n pü de tëmp. L iscriziun mas gni fata con casc formular https://goo.gl/forms/2Fn7IivnnSVY1khh1 (atres iscriziuns pur e-mail o telefon ne gnarà nia tutes in cunt). Ince I mituns/les mitans che à tut pert bel l ann pasè mas compilé l formular.

Nudè y atletica pur mituns
Badiasport mët indô a jì cun otober alenamënć da nodè y atletica por mituns dala 3. tlassa elementara ćina ala 3. mesana. Al vëgn insigné i stii lëde y spiné, sciöche inće la basa di stii arosch y delfin. Le training de altetica lisiera alza fora les capazitês de coordinaziun y de condiziun, al vëgn inće insigné les formes de basa dles singoles disciplines de atletica lisiera. Nodè vëgn tignì vigni lönesc tla nodadoia da La Ila, l’atletica lisiera vigni jöbia (o vëindres) tla palestra dla scora mesana da La Ila por la perioda otober ćina mà. L iscriziun mas gni fata con casc formular https://goo.gl/forms/2Fn7IivnnSVY1khh1 (atres iscriziuns pur e-mail o telefon ne gnarà nia tutes in cunt). Ince I mituns/les mitans che à tut pert bel l ann pasè mas compilé l formular.

I mituns/les mitans che à bel partezipé l ann pasè al curs à, scioch vigni ann, la prezedanza.

ASC Ladinia Run y Kids Run

L 21 agost a Corvara con tröc partezipants de Badiasport. La gara é gnüda davagnada da Andreas Irsara y Marianne Moretti. Complimënt a düc!!!

Marco Scapin, Jan Paul Adang, Andreas Irsara, Lois Craffonara

Atletica isté 2016

Badiasport mat man cun casc isté curs/training de atletica pur mitans/mituns dles scoles mesanes y scoles altes cina i 16 agn, cun nosc campiun Alex Verginer. Ai 17 de jugn dales 17:00 tl ciamp dal sport a La Ila gnaral metü adüm i grups. Chi che é interesciá po se scrì pur mail a posta@badiasport.org (Inom, cugnom, ann de nascita, telefon) y se presenté in vaindres cun guant e cialzá da salté.

L curs/training jará inant cina setamber cun 1-2 iadi al edma, sce la richiesta é grana spo se purtaral ince inant ti maisc da d’altonn y inver.

L cost dl curs cina de stamber é de 30€ a persona, l curs/training gnará ma fat sce al sará en minimo de mitans/mituns che tol pert.

Pizolada delle Dolomiti

N domënia ai 3 de aurí á Lois Craffonara y Alex Dagai tut pert ala 40. „Pizolada delle Dolomiti“, gara co vëgn tignida do tradiziun sön le Ju de S. Pelegrin d'aisciöda fora. La gara mëtô man y se rovâ a Moena. La gara ê apresciapüch 14 km lungia y condüjô i partecipanc sön le Col de le Palue (mt. 2266), al Ciamp de Ors (mt. 2136), sön la Forcella di Bocche (mt. 2745), indô al Ciamp de Ors y sö al Col de le Palue (mt. 2266), sön le Lasté di Pradazzo (mt. 2580) por roé sön l'ultima piza Col Margherita (mt. 2550).

De Badiasport ál tut pert Lois Craffonara y Alex Dagai. La gara é gnüda davagnada da Guido Giacomelli cun n bun tëmp de 2:02.26, dan da Filippo Beccari (2:03.44) al secundo y Filippo Barazzuol (2:04.23) al terzo post. Lois Craffonara á arjunt le bun otaf post cun n tëmp de 2:12.22. y Alex Dagai é roé 27. cun n tëmp de 2:29.53.

Tour du Rutor

Le fin dal edema dai 1. ai 3. de aurí él ste a Arvier tla Val d'Aosta la Tour du Rutor. Trëi dis alalungia s'á i mius altec moseré sön n percus a trëi tapes cun bëgn 7.000 mt. de deslivel. Do i trëi dis de gara á la scuadra taliana Boscacci-Eydallin le miú tëmp complessif (6:51.50) dan da i svizri Anthamatten-Bonnet al secundo post (6:55.30) y i franzeji Gachet-Bon Mardion (6:57.18).

La scuadra badiota de Badiasport cun Jan Paul Adang y Andreas Irsara á tigní vare cun d'atres 340 scuadres y á arjunt le 41. post cun n tëmp complessif de 8:45.15. So distach sön i pröms ê de 45 minuc y 11 secunc. Jenn Shelton cun Colin Haley 262. post.

Skiraid 3 Zinnen

La domënia ai 20 de merz él ste la “Drei Zinner Skiraid”, na gara lungia 13,8 chilometri y cun n deslivel de 1.500 metri, olache 5 atlec de Badiasport á tut pert:Craffonara Lois, Adang Jan Paul, Irsara Michael y Trebo Mike tla categoria “Senior” y Shelton Jenn tla categoria dai “Amaturs”. Le miú dai badioc é ste Craffonara Lois co á arjunt en bun secundo post cun n tëmp de1:45:06 do da Baccari Filippo (1:45:01) y dan da Pierantoni Davide (1:45:35). Adang Jan Paul ciafunse al 7. post cun n tëmp de 1:51:32, Irsara Michael é ruvé al 16. post te 2:04:03 y Trebo Mike 18. cun 2:08:43. La sora ëra dal grup Shelton Jenn é jüda al start tla categoria dai amaturs y á podü porté a ciasa le 9. Post cun n tëmp de 3:12:36.

Sellaronda Skimarathon

La sajiun da d’invern vá bel plan a piz, mo i atlec de schi d’alpinism de Badiasport é tres ciamó atifs pro gares desvalies.En vëndres ai 18 de merz á deplü atlec de Badiasport tut pert ala 21. Ediziun dla Sellaronda Skimarathon lungia bëgn 42 chilometri y cun 2.700 metri de deslivel. Le start y le travert ê n chësta ota a Corvara por fá la roda dal Sela tl vers dl’ora.

La maiú pert á garajé tla categoria dles scuadres ma de ëi, olache bëgn 425 scuadres é roades al travert tal stadio dla dlacia de Corvara. I mius atlec dla sera é sta Holzknecht Lorenzo y Pivk Tadei, che á dominé döta la gara ruvan al travert te 3:14:36, dan da Hoffmann Christian y Götsch Philipp al secundo post y Baccari Filippo y Stofner Martin al terzo. Craffonara Lois adüm al compagn talian Omodei Andrea é roé al buniscimo 15. post te 3:39:32, cun n destach de apresciapüch 25 menüc dai pröms. Adang Jan Paul y Irsara Andreas á concuisté cun n tëmp de 3:55:08 le 51. post. Frena David y Pettavino Erik é indô ruves a Corvara te 4:04:42, arjunjan insciö le 74. post. Trebo Mike y Dagai Alex pó se ralegré cun n 92. post te 4:08:54. Michael Irsara adüm al austriach Scheutz Jürgen s’á cualifiché cun n tëmp de 5:01:00 al 280. post. Tavella Igor y Jenn Shelton á tut pert tla categoria moscedada y á arjunt le 21. post cun n tëmp de 5:15:42 sön 47 scuadres roades al travert. Ince tla classifica generala ciafunse Craffonara-Omodei y Adang-Irsara al medemo plazamënt sciöche tla classifica individuala dles scuadres dai ëi. I atri atlec ciafunse a chisc posć: Frena-Pettavino 75., Trebo-Dagai 94., Irsara-Scheutz 313. y Tavella-Shelton 369.

Pierra Menta

Trei atlec de Badiasport ala 31. ediziun dla Pierra Menta 2016

Danter i 9 y i 12 de merz él sté la 31ejima ediziun dla Pierra Menta, gara de schialpinism tla Savoia. Ara se trata de öna dles 3 gares de schialpinism tles Alpes plü granes y conesciüdes. Al é na gara a dui, te 4 tapes, a chëra che i majeri atlec da döta Europa tol pert, n chësc ann apresciapüch 300 scuadres. De nüsc atlec á tut pert te chësta categoria Jan Paul Adang adöm a Lois Craffonara. Por i jogn él ma döes proes, a chëres che David Frena á tut pert con le compagn de scuadra Enrico Loss.
Frena/Loss á arjunt n buniscimo 5. post sön 38 scuadres tl tëmp de 3:25:33. I pröms te süa categoria é stá i frazesc Equy/Bellabouvier te 3:12:11, al secundo post Martinez De Albornoz/Deruaz te 3:18:29 y al terzo post Lietha/Ancay te 3:19:24.

La scuadra badiota Adang/Craffonara s'á concuisté le 39. post sön bëgn 173 scuadres roades al travert tl tëmp de 12:53:19. La gara é gnüda dominada dala scuadra franzeja-spagnola Jaquemod/Jornet Burgada te 10:05:23, dan da i franzeji Bon Mardion/Gachet te 10:15:26 y i taliagn Boscacci/Antonioli te 10:17:30.

Raida Ladina a Reba y Transcavallo

3a gara dla Raida Ladina a Reba

Heidi Dapunt n'é gnanca tla terza proa da bate y defënn le pröm post tla classifica generala dla Raida Ladina

En vëndres da sëra, ai 19 de forá él sté la 13ejima ediziun dla Lors de Reba, co valô ince sciöche terza gara dla Raida Ladina. Danter i empü plü co 200 partecipanc êl 26 atlec de Badiasport al start y chisc á porté a ciasa de bogn plazamënc. Pro la categoria feminila sot i 18 agn á Giorgia Felicetti batü le terzët de mitans de Badiasport Valentina Clara (47:14.9), Lisa Tasser (57:49.5) y Sofia Minnini (57:49.6) cun le tëmp de 36:03.3. Pro les ëres n'é Heidi Dapunt nia stada da bate y ëra á podü se porté a ciasa le pröm post te söa categoria te 35:40.8 dan a Linda Menardi (35:53.1) y la compagna de scuadra Verena Ebner (36:16.6) al terzo post. Claudia Canins é roada sesta y Susi Lezuo 15ejima.
Luigi Irsara á lascé döta la concorenza dô da d'ël y é te 35:46.7 roé sciöche pröm de söa categoria al travert. Nicolas Ploner é roé terzo te 36:54.5 y Alex Minnini é por püch nia roé sön podest (37:46.1). Te cösta categoria ciafunse ciamó Ivan Canins al setimo post.
Sis atlec é jüs al start tla categoria sot i 30 agn (1997-1986) y ince chiló é un ste bun da ruvé sön podest: Michael Moling é cun n tëmp de 28:42.0 terzo. Davagné á Alex Oberbacher de Gherdëna cun le miú tëmp dal dé (26:20.0) dan a Gabriele Depaul dai Bogn da Nia (28:18.3). David Frena ciafunse al cuinto post te 28:49.0, Mike Trebo 10. te 30:09.5, Alex Dagai 11. te 30:31.7, Martin Kostner 14. te 33:47.9 y Andreas Pescoll 20. te 35:27.0.
Tla categoria Master ciafunse 7 atlec de Badiasport. Richard Feichter 11. te 32:42.0, Roland Pitscheider 19. te 34:34.5, Daniele Irsara 28. te 35:55.9, Markus Willeit 32. te 36:42.0, Giuseppe Piccolruaz 40. te 39:01.0, Benno Canins 47. te 39:51.5 y Elmar Dapoz 56. te 44:42.0 sön 76 partecipanc te categoria.
Tal categoria di Ëi sora i 50 agn é Edmund De Vettori al otavo post te 35:32.0 y Luigi Tasser 34. te 45:18.7, sön 46.
Dô da trëi gares dla Raida Ladina é Heidi Dapunt y Nicolas Ploner al pröm post te söa categoria y deplü altec é al cuarto post. I ti aodun a düc döt le bun y trëpa fortüna por l'ultima gara dla Raida Ladina, che ai arjunji de bogn resultac pla gara finala.

Gara a scuadres Transcavallo

La sabeda ai 20 y la domënia ai 21 de forá é cater de nüsc atlec jüs a tó pert ala 33ejima ediziun dla „Transcavallo“, gara a scuadres da dui co vëgn fata te döes tapes. Les scuadres â da garejé trami i dis sön dui percursc desvalis, le pröm 18 km lunch y cun n deslivel de 1.760m, le secundo 20 km lunch y cun n deslivel de 2.520m. I tëmps dai dui dis gnô spo cumpedá adöm por la classifica finala dla „Transcavallo“.

Marianne Moretti y la compagna de scuadra Monica Sartogo, é trami i dis roades al secundo post y á insciö podü ince s'acontenté cun le medemo post tla classifica generala cun n tëmp complessif de 6:30:18.
La sabeda é Lois Craffonara adöm al austriach Johannes Waldner roé al sesto post te 1:59:29 y la scuadra de Badiasport cun Jan Paul Adang y Andreas Irsara é roada 11. te 2:10:21. La domenia s'á trames les scuadres mioré de n plazamënt: Craffonara/Waldner é al cuinto post te 2:35:35 y Adang/Irsara al dejimo post te 2:46:56. Cumpedan adöm i resultac di dui dis á Craffonara/Waldner arjunt le cuinto post te 4:35:04 y Adang/Irasara le dejimo te 4:57:18 sön bëgn 40 scuadres co á tut pert.

Indô n fin dl'edema de gares por i atlec de Badiasport

Schi d'alpinism – Gara a scuadres „La Pitturina Ski Race“ y „Valle di Rezzalo Junior Copa Italia“ con partezipanc de Badiasport

En sabeda ai 13 de forá é bëgn 8 atlec ladins jüs a tó pert ala otava ediziun de „La Pitturina Ski Race“, gara de nët a scuadres de dui concorënc, conesciüda nia ma a livel nazional mo ince international. La gara é gnüda fata a Padola tal raiun dles Dolomites de Sest olache le comité d'organisaziun á arjigné ca le percus 20 km lunch cun n deslivel total de 2220 metri partí sö te trëi rodes desvalies.
La gara é gnüda davagnada dal grup ITA1 dal grup sportiv dai soldas cun Boscacci Michele y Reichegger Manfred cun n tëmp final de 1.57:37 dan dla scuadra Langfranchi/Pivk al secundo post cun n tëmp de 1.58:57 y Zulian/Trettl al terzo cun n tëmp de 2.07:20. Al sesto post final él roé le pröm atlet badiot: Lois Craffonara adöm al compagn de scuadra austriach Johannes Walder cun n tëmp 2.12:25. Al 22. post ciafunse la scuadra cun Mike Trebo y Alex Dagai cun n destach de 34 minuc y cinch secunc sön i pröms.
Nia a scüsa n'é la gara jüda por les scuadres Jan Paul Adang y David Frena y PIERANTONINI – MOLING cun l atlet Michael Moling co n'é trames nia roades al travert.

Le grup plü asvelt é ince pro les ëres sté la scuadra Tomatis/De Silvestro cun n tëmp final de 2.28:20. Marianna Moretti adöm ala compagna da Cortina Linda Menardi s'á classifiché al cuarto post (3.04:46) y Jenn Shelton adöm ala compagna Monica Sartogo al cuinto post (3.05:45).
I bogn plazamënc de düc i atlec ladins á porté por Badiasport le decim post tla classifica dai grups sportifs.

La domënia ai 14 de forá é Nicolas Ploner y Luigi Irsara jüs ala 16. ediziun dla „Valle di Rezzalo Junior Coppa Italia“. La gara individuala é gnüda davagnada da Daniele Corazza dal Sci Club Valtarno (49:50,02) dan a Sebastien Guichordaz al secundo (51:17,7) y Giovanni Rossi al terzo post (51:49,8). Dalunch dai pröms dla classifica ciafunse i jogn de Badiasport. Nicolas Ploner al 19. y Luigi Irsara al 29. post.

Bugn plazamënc pro gares desvalies de schi d'alpinism

Altec de Badiasport á tut pert a deplü gares de schi d'alpinism ala fin de jená.

Gitschberg 22/1/2016

Ai 22. de jená á cinch atlec tut pert ala nona ediziun dla „Gitschberg Nightattack“. Martin Kostner á arjunt cun le tëmp de 48:40.68 le 24. post tla categoria Ëi 1981-1995. Tla categoria Ëi 1967-1980 él jü al start bëgn 65 atlec, danter chisc ince cater de Badiasport. Davagné á Ivo Zulian dai Bogn da Nia cun n bun tëmp de 38:22, secundo é roé Filippo Beccari de Bela Ladinia (39:03) y terzo Henry Hofer de Alpin Speed Sarntal (39:20). Al setimo post ciafunse Lois Craffonara (40:00), 13. Alex Dagai (42:19), 49. Hermann Dapoz (49:56) y 60. Markus Willeit (54:32).

Li Skariza da Foca 24/1/2016

La domënia ai 24. de jená á tut pert David Frena ala gara „Li Skariza da Foca“ tla Valtellina. L'atlet ladin é ste bun da arjunje le travert do 8 chilometri te 1.03:35 y á insciö arjunt le bun cuinto post. So destach dal pröm classifiché Clanclini Nicoló é de empü plü de 4 menüc.

Plose Skiuphill 29/1/2016

L'ultimo fin dal edema de jená á Martin Kostner tut pert ala „Plose Skiuphill“, co alda pro les gares dl „Eisacktal Cup“. Cun n tëmp de 1.17:23 él salté fora en bun 22. post. Pro i ëi é Martin Stofner sté le plü asvelt, so tëmp de 54:54 n'é degügn stes bogn da bater. La miú ëra dla sëra é stada Katharina Zipser co é ruvada al travert do da 1.09:32.

Carezza Trophy 30/01/2016

La sabeda ai 30. de jená é 8 atlec jüs a tó pert ala 5. ediziun dla „Carezza Trophy“. La sora ëra dal grup, Lezuo Susi, á arjunt cun le tëmp de 42:15 le nono post te söa categoria sön en percurs plü cürt.
Trebo Mike n'á de püch nia arjunt n post sön podest y á messü s'acontenté dal cuarto post de süa categoria.
Tla categoria Ëi 1967-1991 él jü al start bëgn cinch atlec de Badiasport. Davagné á Ivo Zulian dai Bogn da Nia te 57:54 dan da Christof Niederwieser (58:12) y Mattia Giuliani (58:32). Le pröm atlet de Badiasport ciafunse ince te chësta categoria al cuarto post: Lois Craffonara cun n tëmp de 59:26. Tai pröms chinesc ciafunse ciamó trëi atlec de Badiasport, Michael Moling cuinto, Jan Paul Adang 8. y Alex Dagai 13. y al 59. post Markus Willeit.

Valtellina Orobie 30/1/2016

Tres la sabeda ai 30. de jená é Andreas Irsara y Marianne Moretti jüs a tó pert ala „Valtellina Orobie“. Marianna Moretti á arjunt cun n tëmp de 2.23:52 le buniscimo terzo post do da Laura Besseghini (1.55:33) y Anna Tybor (2.13:14).
Pro i ëi él jü al start bëgn 66 atlec. La gara é gnüda davagnada da Denis Trento cun n tëmp de 1.47:00 dan da Filippo Baccari (1.47:12) y Valentino Bacca (1.47:47). Andreas Irsara é roé al 19. post cun n tëmp de 2.06:05.

Atlec de Badiasport fej pert ala otava Skialprace

En bel grup á tut pert ala gara Skialprace cun campionac taliagn ete Speikboden

Schi d'alpinism – La domenia ai 10 de jená a tut pert bëgn 12 atlec de Badiasport ala otava ediziun dla gara Skialprace ete Türesc. La gara co alda pro les ISMF European Series valô tal medemo tëmp ince sciöche campinat talian tles categories senior y master. Implü gnô i resultac ince cumpedá por la Copa Italia y le Südtirol Cup.
Le zircuit por la gara é gnü arjigné ca encër le lift „Sonnklar“ tal raiun sciistich Speikboden. La particolarité de chësc percus é ste le toch a pe cun i schi sön le spiné che i organisadus s'á punsé da sbürlé ete dan le rait cuntra val. Aladô dla categoria messâ chësc zircuiut gní fat dui, trëi o cater iadi.

La gara é gnüda dominada dai altec dal grup sportiv dai soldas, sciöche ince belo les gares de vertical y sprint a Madonna de Campiglio de dezëmber. Le titul tla categoria senior maschila é insciö jü á Michele Boscacci, co ti é ste bun al percus lunch (indöt 14,4 chilometri) te en tëmp de 1:26.39, dan al compagn de scuadra Antonioli Robert (1:26.46) y Barazzuol Filippo (1:28.47). Te chësta categoria á garejé cinch de nüsc atlec. Craffonara Lois é roé al travert tredejejimo cun en tëmp de 1:42.11, Irsara Andreas ciafun al 27. post (1:50.05), Irsara Michael al 33. post (1:54.05) y Adang Jan Paul al 34. post (1:54.06). Sceché ti ara á Moling Michael co n'á nia ruvé la gara. Trebo Mike á ince podü porté a ciasa en bun tredejejimo post te süa categoria con en tëmp de 1:53:52 cun en intardiamënt de 22 minuc y 23 secunc sön le pröm Nicolini Federico.
Tla categoria master feminila á Moretti Marianna de Badiasport arjunt le terzo post do da Sartogo Monica y Renzler Astrid.
Pro les senior feminiles é Shelton Jenn ruvada undicesima cun en tëmp de 1:57.32.

Ince pro i juniores él sté en atlet badiot danter i partezipanc: Frena David á arjunt en bun sesto post (1:15.54). .Le intardiamënt al scalin plü bas dal podest ê de empü plü de dui minuc.
Pro i cadëc, co garejâ sön en percurs lunch 7,2 chilometri, á Ploner Nicolas arjunt le 18. post con en tëmp de 1:04.39, Irsara Luigi é ruvé 27. (1:08.52) y Canins Ivan 35. (1:22.10).

Por ci co reverda i resultac por le Südtirol Cup á nüsc atlec plü jogn fat na bela parüda. Pro i cadëc arjunj Badiasport le pröm post cun Ploner Nicolas, le secundo post cun Irsara Luigi y le cuarto post cun Canins Ivan. Pro i Juniores n'é Frena David nia da bate y se porta a ciasa le pröm post te söa categoria.

Galleria foto!

Badiasport ai campionac taliagn de sprint, stafeta y vertical de schi d'alpinism 13.12.2015

Schi d'alpinism – Dai 11 ai 13 de dezëmber él gnü metü a jí i campionac taliagn a Madonna di Campiglio. Cater de nüsc atlec á tut pert tles categories jogn y senior.

Trëi gares te trëi dis o dí en gran sforz por en atlet. Sce al é spo ciamó gares importantes sciöche i capionac taliagn, ciarun da se proé ciamó deplü. Dan da otedé êl por David Frena, Ivan Canins, Nicolas Ploner y Michael Moling de Badiasport sön program i capionac taliagn de sprint, stafeta y vertical de schi d'alpinism a Madonna di Campiglio.
Le fin dal edema de gares á metü man le vëndres sëra con le sprint, olache Ivan, Nicolas y David é jüs al start. Dô les cualificaziuns podea i mius sis ciamó en iade garejé y proé insciö da rosedé le resultat dles cualitficaziuns. Por i atlec de Badiasport s'é la gara roada do la cualificaziun. Pla categoria jogn é Nicolas roé al 24. post, Ivan al 30. y pla categoria junior é David roé 13.
La sabeda él gnü fat la stafeta con scuadres da trëi atlec. Nicolas Ploner y David Frena á arjunt adöm a Johanna Unterer dl ASV Martell le 14. post con en tëmp de 33:12.10.
Por slü jö i capionac taliagn él ste la domënia la gara vertical, gara plü aspetada dal fin dal edema. Düc i atlec co á tut pert á podü se ralegré con en bun resultat. Pla categoria senior á Michael Moling arjunt sön la distanza de 3,5 km y 600 metri de desfarënzia d'altëza en bun 22. post con en tëmp de 27:07.59. Pro la categoria junior é David Frena roé al 20. post con en tëmp de 22:45.23 sön na distanza de 3 km y 450 metri de deslivel. Pla categoria jogn á dui atlec arjunt de bugn plazamënc. Nicolas Ploner al 24. post (21:18.32) y Ivan Canis al 36. post (24:08.60) sön na pista 2 km lungia y con 320 metri de deslivel.

Nicolas Ploner, Ivan Canins, David Frena

Jenn Shelton porta a ciasa en bun secundo post 11.12.2015

Schi d'alpinism – Trei atlec de Badiasport á tut pert ala 17^ ediziun de „La Sportiva Monte Agnello Trophy“.

En vëndres ai 11 de dezëmber é Jenn Shelton, Jan Paul Adang y Andreas Irsara jüs a tó pert a „La Sportiva Monte Agnello Trophy“, pröma gara dal „Dolomiti sotto le stelle“.
A gauja dla pücia nëi naturala se temôn da nia podëi garejé, mo le comité d'organisaziun é ste bun da arjigné ca le percus con nëi artifiziala. Bëgn 180 atlec s'á abiné al start de massa. Pro i ëi é Thomas Trettel ste le plü asvelt con en tëmp de 31:26, dan Ivo Zulian (33:12) al secundo post y Christian Varesco (33:14) al terzo. Jan Paul Adang á arjunt en bun 13. post con en tëmp de 36:32 y Andreas Irsara porta á ciasa en 18. post con en tëmp de 36:59.
Pla classifica dles ëres ciafunse Jenn Shelton con en tëmp de 42:46 al secundo plazamënt atira do Margit Zulian (39:39). Al terzo post pla classifica feminila ciafunse Tatiana Kutlíková (43:13).

Skitouren Sprint 2015

In sabda ai 19 de dezamber sais düc bel invià al Skitouren Sprint.

An paia ia dal rifugio Tamà dales 19:00 jö cina ala staziun a valle del lift da la Crusc y spo indo sö cina al rifugio Tamà.
Se incuntun dales 18:00 inant pur se scrì ite y partì for a i numri.
Recurdesse da se to do la Stirnlompe.

De bogn resultac por Badiasport

Nodé - Ai 29. de novëmber á a Urtijëi indô motü man les gares VSS da nodé por les mit-ans de Badiasport.

Na bela scuadra de mitans é jüdes adöm ala alenadëssa ia Urtijëi á to pert ala pröma gara VSS por mitans y mituns dla scora elementara, co n'é nia ciamó scric ete tla Federaziun Nazionala Nodé (FIN). Por cater ea chësta la pröma ocajiun da se mosoré cun d'atres mit-ans y ince porchël é stada la ligrëza de düc dër grana, da avëi porté a ciasa bëgn set me-daies. Les mitans co â belo fat empara l'ann passé é dötes stades bones da mioré dassën le tomp dal ann denant.

Dles gares de stil lëde cun brëia á les plü jones dal grup, Angelika Frenademez y Sofie Irsara, arjunt en bun cuarto y cuinto post; Denise Feichter é roada sesta pla classe 2007; Hanna Irsara y Rita Granruaz é stades les plü asveltes de söa categoria y á arjunt i dui scalins plü alc dal podest. Ince Kathrin Feichter tla categoria plö alta classe 2005 à da-vagnè. Karoline Frenademez é roada cuarta pla gara de 25 metri arosch y á cun en tomp de 28,20 secunc ma enjömé le terzo scalin dal podest por dui secunc.

Karolin, Kathrin, Sofie, Angelika, Denise, Hanna, Rita

Resultac
25m stil lëde cun brëia (classa 2009)
4. Angelika Frenademez 00:39,80 sec.
5. Sofie Irsara 00:42,00 sec.

25m arosch (classa 2005)
4. Karoline Frenademez 00:28,20 sec.

25m stil lëde (classa 2007)
6. Denise Feichter 00:25,80 sec.

25m stil lëde (classa 2006)
1. Hanna Irsara 00:20,00 sec.
2. Rita Granruaz 00:21,20 sec.

25m stil lëde (classa 2005)
1. Kathrin Feichter 00:20,30 sec.

Pizza y lites

In jöbia ai 3 de dezamber dales 18:30 ele la “pizza” sociale de Badiasport pur düc i mambri ala Pizzeria San Leonardo a Badia. Pur casta sara masun menè na mail de conferma.

In casta ocajiun saral ince les lites nöies pur mat sö l consai nü de Badiasport y purcal ves preiessi de se scrì 4 propostes de persones che pudarà spo spo gni litades in jöbia. Praibel de scrí zruch entro l mertesc ai 01 de dezamber.

Tessera FISI 2015-2016

Pur düc i mëmbri:
ince casc ann pon apustè da Badiasport la tessera FISI (http://fisi.org/federazione/tesseramento/tesseramento-info).

Düc chi ché interescià dos scrí na mail pur che an poi la arjigné ca.

I „superheroes“ de Amsterdam

Salté - En domënia ai 18 de otober á 14 atlec de Badiasport tut pert ala 40. ediziun dla maratona de Amsterdam. La distanza classica de 42,195 km é gnüda dominada dal Kenia: Bernard Kipyego (2:06:19) y Joyce Chepkirui (2:24:11) é stá i plü asvelc.

Bele da deplü mëisc incá, s'á i atlec de Badiasport alené por tó pert a chësta maratona de Amsterdam. Sis atlec ladins s'á mosoré sön la distanza classica, cinch á salté la mesa maratona y trëi i 8 km. Sc'an ciara a chël che ê le tema dla maratona, le „superhero“, pó düc i atlec se sintí n pü supereroi da ester stá bugn da porté a fin na gara tan impegnativa. Les particolarités dla maratona da Amsterdam é stades le start y le travert dla gara tl stadio olimpich, mo ince la gran pasciun y partezipaziun che döta la popolaziun á desmostré por chësta manifestaziun. Tröpa jënt sön i urs dles strades ne s'á nia lascé sprigoré dal bur tëmp y á insciö porté pro a na bela atmosfera. Tröp é ince sté l'intratignimënt musical y d'atra sort fora por döt le percurs, che á dassënn daidé renforzé la motivaziun personala y á dé la sbürla por ester bugn da rové al travert.

I resultac:

Ëi:
Stefan Thaler (maratona: 2:51:30)
Daniele Irsara (maratona: 3:04:04)
Christian Pedevilla (maratona: 3:09:33)
Werner Pescosta (maratona: 3:53:41)
Andreas Irsara (1/2 maratona: 1:30:17)
Daniele Pizzinini (1/2 maratona: 2:09:41)
Nicolas Ploner (8 km: 36:31)

Ëres:
Verena Ebner (maratona: 3:21:08)
Claudia Canins (maratona: 3:28:45)
Sofia Irsara (1/2 maratona: 1:50:19)
Katharina Castlunger (1/2 maratona: 2:28:23)
Wally Castlunger (1/2 maratona: 2:28:39)
Melanie Ploner (8 km: 36:32)
Susi Lezuo (8 km: 43:28)

Start y travert stadio olimpich Amsterdam

Nudé 2015-2016

Nudè pur prinzipianć
Badiasport organisëia indô n curs da nudè pur prinzipianć pur i mituns dala 1. ala 4. tlassa elementara. Le curs vëgn tignì vigni mercui domisdè (gruppo gragn 14.45-15.45, gruppo pici 15.45-16.45) tla nodadoia da La Ila por la perioda otober ćina mà. Al é dè la poscibilité pur i plö bogn da passè tl grup de alenamënt dô n pü de tëmp.

Nudè y atletica pur mituns
Badiasport mët indô a jì cun otober alenamënć da nodè y atletica por mituns dala 3. tlassa elementara ćina ala 3. mesana. Al vëgn insigné i stii lëde y spiné, sciöche inće la basa di stii arosch y delfin. Le training de altetica lisiera alza fora les capazitês de coordinaziun y de condiziun, al vëgn inće insigné les formes de basa dles singoles disciplines de atletica lisiera. Nodè vëgn tignì vigni lönesc tla nodadoia (gruppo pici 14.30-15.30 gruppo gragn 15.30-16.30) da La Ila, l’atletica lisiera vigni jöbia (gruppo gragn 16.15-17.15, gruppo pici 17.15-18.15) tla palestra dla scora mesana da La Ila por la perioda otober ćina mà.

Nudè pur gragn
Cun otober mëtel indô man “Nudè adüm” – nudè pur gragn". Al vëgn insigné i 4 stii lëde, spiné, arosch y delfin, y mioré la coordinaziun y la condiziun. Le curs vëgn tignì tla nodadoia da La Ila vigni mertesc dales 19.30 ales 20.30 (prüm grup) y dales 20.30 ales 21.30 (secundo grup) por la perioda otober ćina mà. Al ne se trata nia de en curs pur prinzipianć, purchël vëgnel damanè les capazitês de base dl nudè.

Pur düc i gruppi (mitans/mituns y gragn) vele: pur chi che à bele tut pert l’ann pasè an curs mas cunfermè la partezipaziun pur l proscimo ann antro i 16 de setëmber, sce al ne vagn nia cunfermè entro casta data gnarà dè inant l post ai nüs iscritti
Por informaziuns y iscriziuns pon menè na E-mail a posta@badiasport.org ćina i 20 de setëmber.