En domënia 13.03.2022 él sté sön Col Gallina la penultima tapa dla »Coppa Italia Giovani« de schialpinism. Deplü atlec de Badiasport á garejé rovan dui iadi sön le podest
Le schialpinism é rové te Ampëz cun la pröma ediziun de »Cortina Skimo Cup«, penultima tapa dla »Coppa Italia Giovan«i por les categories Under 23, Under 20, Under 18 y Under 16. La gara é piada ia dala ütia Col Gallina y á condüt atletes y atlec cina Cima Gallina, Croda Negra, Pian de Menís por rové indô, al travert, pro la ütia da olache an ê piá ia. Deplü atlec de Badiasport á tut pert ala gara ia en Ampëz y i plü asvelc é stá Mara Sottara, che é rovada terza tla categoria U18 y Manuel Nagler, terzo tla categoria U16.
Chisc i atri resultac di atlec y dles atletes de Badiasport. Categoria U16: Hanna Irsara 5., Annalisa Pitscheider 6. y Elisa Aricó 11. Categoria U16M: Emanuel Pescollderungg 8., Tobias Tasser 10., Tommy Irsara 14., Jan Daniel Trebo 19. y Simon Granruaz 22. Tla categoria U18 é Maximilian Nagler rové 23. Nicolas Ploner é rové 9. tla categoria U23.
(kp) @LaUscdiLadins
