Badiasport ala Maratona da München

In dumënia, 9 de otober, él stè trëi atleć de Badiasport che à tut pert ala 26. ediziun dla Maratona da München. Adüm cun atri 4.000 atleć ai superè i 42,2 km cun start tl’Olympiapark, inant fora pur tröc tòć dla cité de München, ince fora pur l Marienplatz, y travert indô tl’Olympiapark. Cun temperatüres plö tosc frësches é jü l suzess ai tudësc Richard Friedrich (2:19:27) y Bernadette Pichlmaier (2:38:02). Dër na bona gara à fat Verena Ebner che cun n tëmp de 3:23:18 à arjunt le 29. post global y l 4. post te süa categoria. Ince Claudia Canins à mioré so tëmp de maratona y à arjunt te 3:35:13 l 82. post (23. post de categoria). Daniele Irsara é ruvé al travert cun n tëmp de 3:23:49 y s’à plazè al 702. post (171. post te süa categoria). (Resultac)