Flurina Comploj y Daniel Ploner indô prüms dal Salt d’Sas

Les stletes previjiuns dl tëmp ne à nia tignì zoruch i partecipanć ala 5. ediziun dl Salt d’Sas ai 18 de setëmber, da dè düt sön l percurs da S. Linert cina sö ala dlijia da La Crusc. Bel püch dô l start, dan Oies, à mustrè l percurs gran dificultês pur gauja dla tröpa plöia tomada l dé denant. I atleć à messè saltè for pur pozes, sura peres lizies y toć da paltan. Plö asvelto dl dé dô 9 km y 740 m de deslivel é stè sciöche bel l’ann da denant Daniel Ploner Gherdeina Runners (51:01), dan da Lois Craffonara (51:52) y Andreas Irsara (52:15), trami de Badiasport. Tla categoria sura i 40 agn é jü l suzess a Daniele Irsara (Badiasport 56:48), dan da Rudi Renner (57:30) y Roberto Tasser (Badiasport 58:30). Pro les ëles é jü l suzess ala favorita Flurina Comploj dl Südtiroler Laufverein (59:18) dan da Verena Ebner (1:04:32) y Claudia Canins (1:08:52), trames de Badiasport. (Resultac)